yeh kahani shuru hoti hai aj se 12 saal pehly….. us waqt meri age taqreban 12 saal thi, us waqt jab kay mai bahut chotta tha…. aur shayad 8th class me parh raha tha…. us waqt mai parhnay me kafi weak hua karta tha… aksar class me absent rehta tha….. ziadatar waqt game khelnay me bahar ghumnay phirnay me guzarta tha…..

Mery ghar kay halaat bhi thek nahi thay abu ke job nahi thi ghar me ami hi then jo job karti then who bhi school teaching jis se bari mushkil se meri 1 behen aur ham 3 bhaiyon ke fees pay ke jati thien

Un dino meri aik cousin bahut arsay baad eid per hamary ghar me ayen…. who meri hi age ke thi meri aur uske age me sirf 7 din ka farq tha hamara star bhi same tha….. meri khala ke beti thi who….. lekin un log kay halat hamary muqablay me bahut achay thay jab kay ham log unkay muqablay me bahut ghareeb thay..

Khair unke bari baji ke shadi honay wali thi… ham sab log unkay ghar gaye puray 2 haftay ruknay k lye whaan shadi ke ocassions dholki mangni mehndi mayon waghaira sab hona tha

un dino mai aur meri cousin sath rahay…… aksar ham sab cousins baith kar baaten kartay thay… na janay kyon mai itni choti se age me uske taraf khincha chala gaya…. mujhe us waqt bhi yeh ehsas hota tha kay hamara aur unka status bahut farq hai…. yeh aisa hi hai jaisay zameen aur asman

Khair shadi me ham sab ne khoob enjoy kiya, mujhe songs sun’nay ka ziada shauq tha es lye aksar jab dek farigh hota tha to mai halki awaz me deck k pass baith kar apni aik caseete jo mai sath laya tha us per songs sunta tha…. aik din mai songs sun raha tha aur meri cousin khana bananay k lye sabziyan kaat rahi the…. usne bola kay laraib tumhari collectoin bahut achi hai mujhe bhi yehi saray songs pasand han…..

aj es baat ko 12 saal ho chukay han lekin aj bhi uska yeh jumla mai kabhi nahi bholta us din aisa lag rah atha jaisay mujhe sab kuch mil gaya hai……

khair shadi me hamne bahut enjoy kiya aur phir ham wapas a gaye…..

Kuch sal aisay hi guzray phir jab mai matric ka imtihan day chuka to who log phir hamary ghar aye us waqt phir na janay kyon mai baychain ho gaya…..us waqt mai bahut chota tha… itni aqal nahi thi bas us waqt yeh zahan me aya kay Laraib agar tum parho likho khoob mehnat karo…… phir jab parh likh lo gay aur achi job mil jaye ge tab usko apna lena…..

eskay baad se maine mehnat karna shuru kar di who shaks jo kabhi parhta hi nahi tha…. uska dil nahi chahta tha kay who study room se bahar nikaly ……… har waqt kitaben informational magazines parhta rehta tha……. us zamanay me Micro Computing introduce ho rahi thi bahut expensive thi aur mery pass itnay paisay nahi thay kay mai admission la sakta es liye bahut source lagwa kar aik service center jahan computer related chezon ke repairing hoti thi whaan lag gaya…
aur sath sath apni education bhi continue rakhi 2 saal tak mera routin eyeh tha subha college, wahan se a kar shop par jata tha phir wapsi per a kar coaching center…. aur sath sath phir raat me study bhi karta tha…..

maine apni hasti ko bhula kar 2 saal aisay mehnat ke kay bas….. uskay baad mera result aya maine puray college me top 5 position hasil ke…… magar us waqt bhi yeh ehsas hua kay nahi yaar abhi to bahut farq hai abhi job nahi hai abhi sirf inter pass hon mai abhi bahut mehnat karna hai… uskay baad maine Industrial computing me 4 saal ka diploma karnay ka socha aur phir diploma karnay laga us waqt phir maine aik factory join kar le jahan mai seekhta bhi tha kam bhi karta tha mujhe sirf 1000 rupe wahan se milta thay subha college aur phir college se factory ja kar kaam bhi karta seekhta bhi …………. bahut mehnat ke maine aksar aisa hota tha mujhe pata chalta tha kay meri cousin ka koi rishta aya hai khuda se dua karta tha kay aye Allah mery yeh 4 saal nikal den kissi tarha to mai usko hasil kar longa itni mehnat karonga kay kuch na kuch ban jaonga aur usko hasil kar longa……..

Meri tabiyat itnay kam ke wajah se aksar kharab rehnay lag gaye…. aik din who log mery ghar aye to who bhi aye thi…… usne mery baray me ghar per pucha hoga to ami ne bataya kay ab who busy hi rehta hai time hi nahi hota…. to usne kaha kay mujhe khushi hai laraib badal gaya hai aunty aur ab who kafi mehnat karnay laga hai….

jab mai ghar aya mujhe yeh baat pata chali to mai itna khush hua kay kya bataon…. phir kuch din baad ami unkay ghar rehnay gayen… maine company se chuti lay le aur unkay sath hi chala gaya

wahan kuch din ham rahay sath aksar hamari baaten hoti then different topics par who computer me kafi knowledge rakhti thi aur yeh mujh epata tha lekin phir bhi usko inspire kanray k lye mai computer ke new tips / tricks seekh kar gaya tha ……. aur wahan ja kar jab ham computer par baithay aur usko maine chezen bana kar dekhaye to who hairan reh gaye boli k tumhary ghar me computer bhi nahi hai phir kahan se kartay ho yeh sab…… usko bataya k mai doston k pass ja kar aisi chezen seekhta hon jo kaam ke hoti hai….. who mujhse kafi inspire hue aur mai bahut khush.

khair kuch arsay baad maine diploma complete kar liya aur mujhe job mil gaye.. job starting me sirf 4000/= ke thi yeh baat hai year 2000 ke mai apni study bhi continue karta raha job bhi karta raha…. uskay baad phir who a ye to ham logo me baaten hue mai study me ab us se aik sal pechay ho raha tha job ke wajah se…. who hamary ghar aye to usne kaha kay laraib tum study continue rakhtay to behter hota tumhary liye maine phir se admission liya aur study shuru kar di….. bahut mehnat kata raha job jo mai kar rahatha wahan kaam kafi tough tha phir maine NADRA join kar liya aur night job kar le ab sari raat job phir din me college, aur sham ko thodi der pehly khud parhnay jatat ha phir institute me parhata tha aur jo 4 hours miltay thay bas usme sota tha

maine uskay lye bahut bahut mehnat ke ………….phir aik din ham log unkay ghar gaye to mai bhi gaya wahan par computer kay pass uske tasver rakhi thi…. main ne who utha le ham unkay ghar 3 din k lye ruknay gaye thay……..aur jab next day college k lye gaya to wahan se scan karwa le…. mujh me kabhi bhi himmat nahi hoti thi kay usko direct bolon k i love u…. maine socha phone karta hon aur bol deta hon

maine phone kiya usne hi recieve kiya…….. maine kaha ………… Hello, Sharmeen kaisi ho usne kaha thek hon tum subha to aye ho phone kyon kiya khariyat to hai na….. maine kaha haan tumse baat karna hai kuch……. aur phir pata nahi kya hua dil aisa laga halaq me a gaya… mai pasenay me sharabor ho gaya…….. who bolnay lagi han bolo….. maine kaha who mai ………..tum………
who mai tumhari tasver lay kar aya hon scan karwaye hai maine……… Confused.gif
who naraz ho gaye ka kyon kiya tumne aisa…….mai uskay ghar aya who bahut ghusay me thi…. usne kissi kay samnay kuch nahi kaha akalay me room me aye
aur mujh per kaafi ghusa hue maine sorry bhi kiye us se lekin phir uskay baad us ne mujhse bat karna chor dei….. aur hamari taqreban aik saal tak koi baat nahi hue……. uskay baad who bhi ahista ahista baat ko bhool gaye…….. yeh aik saal kaisa guzra mai nahi bata sakta……….

phir hamari dosti ho gaye aur phir mai usko aksar phone karta us se baaten karta……. aik din unke khala hamary ghar ayen aur ami se koi bat ke…… maine baad me ami se pucha kya hua who q ayen then…… to ami ne bataya kay uska aik bahut acha rishta aya hai aur who log haan karnay se pehly ami se puchnay aye thay…….. mery pairon talay zameen hi nikal gaye……….

phir kuch din baad meri cousin ka phone aya hamari jo baat hue

pehly usne bola hello laraib kaisay ho maine kaha thek hon phir bolnay lagi suno mujhe tumse aik kaam hai…. maine kaha haan bolo…….. phir bolnay lagi k acha ruko mai ami ko bulati hon who tumhe baat den ge…….. maine kaha ok……..

phir meri khala ne phone rcv kiya aur bola laraib beta dekho…… sharmeen ka rishta aya hai aur larka bahut acha hai…. es lye next month tak ho sakta hai shadi ho jaye…… sharmeen kay bhaiya to abhi nahi a saktay who abhi germany me han ……. to meri khuwahish hai kay tum arrangement sanbhalna………….

maine kaha thek hai ……………………..

aisa laga……………….. sab kuch khatam ho gaya……………..

phir sharmeen k ghar gaya mai wahan sharmeen ne mujhe akalay me room me bulaya…. aur kaha…..

suno laraib…… mai janti ho kay tumne kabhi na kabhi mujhe pasand kiya hai mujhe chaha hai…..

lekin

zaroori nahi jo ham chahen who milay bhi zaroor…….

tum mery bahut achay aur sincere dost ho………………….

mujhe rona a raha tha zabt kartay hue itna kaha………………

sharmen maine apni zindagi kay 10 saal tumharay lye sarf kar diye tumhe panay k lye…..

usne kaha ……laraibbbbb aisa kyon kiya aur mujhe bataya bhi nahi….. maine kaha tum tasver wali baat par hi naraz ho gaye then to kabhi himat hi nahi hue……

usne kaha acha laraib aik baat batao……… mujhe kitna chahty ho……..
maine kaha …….
meri to zindagi ka maqsad hi tum ho…….. meri awaz nahi nikal rahi hti maine kaha…… tum chali jao ge to zindagi hi khatam ho jaye ge…… kuch rahay ga hi nahi………

usne kaha ok mujhe tumse sirf aik baat kehna hai…

Agar kabhi tumne mujhe chaha hai sachay dil se …………….

tum mery baad apni life barbad nahi karo gay………… pata hai mujhe un logo se bahut nafrat hai jo haar jatay han….. tum harna mat……. kissi kay chalay janay se kuch nahi hota laraib dunya waisay hi chalti rehti hai……………..

tum aik achay insan ho…….. apni zindagi me har dam agay barhna……. kuch aisa na karna jis par kabhi mai afsos karon………..

Hamesha agay barhtay rehna

mujhse kuch bola hi nahi gaya khamosh raha uske baaten sunta raha mai bas…….

phir us din wapas jab mai a raha tha to mery ansoo nikal rahay thay mai ro nahi raha tha lekin aisa lag raha tha dil ro raha hai………. ansoo niklay ja rahay thay…………………….. mai lambay sa rastay par chalta ja raha tha aur ansoo nikalay ja rahay thay……………… aisa lag raha tha dunya weeran ho gaye…………. sab khatam…………….

Aik shaks jisne kabhi aisa socha hi nahi kay who apnay pyar ko kho bhi sakta hai……. usne to zindagi me har kaam hi es lye kiya k who apnay pyar ko hasil karay ga……… jab uske jeenay ke wajah hi khatam ho gaye to phir ab kya bacaha……………………

phir uske shadi me saray intizzam ke zimaydari mujh par aye…………….

who to shayad mai bayan bhi nahi kar sakon kay kya lamha tha………. shadi kay baad raat ko 3 bajay…….. mai shahra e faisal ke road par………… bus stop par baitha tha………….
aur wahan baith kar aasman ke taraf dekh kar cheekh raha tha…………….. haan yahi hai insaf…. day de na meri zindagi kissi ko……… oyeeeeeeee kya kiya tha maine…… haan itni mehnat ke thi……. kahtay ho na tummmmmmmm mehnat karnay se sab kuch mil jata hai………… day diya na mera sab kuch kissi ko………… khareed lya na mera pyar kissi ne ……………..

uskay baad aisa laga mai andar se mar gaya hon………………

Lekin phir mujhe sharmeen ke baat yaad aye……. kay agar tumne kabhi mujhe chaha hai to agay barhna………

Ab kay baar baghair kissi chahat kay……. baghair mohabat kay………. baghair kissi wajah kay …….. andar se khali toota hua insan…… ab agay barh raha tha….. job bhi mil rahi then…… kaam bhi chal raha tha………. lekin andar se khali………………….

uskay baad 2 saal guzar gaye mai sanbhal nahi paya……….. phir aik din pata chala….. sharmeen kay ghar beti hue hai…………. mujhe bahut khushi hue kay jisko maine pyar kiya hai who khush hai………. mai gaya milnay………. who dekh kar khush hue……….. boli mujhe yeh khushi hai kay tum mehnat kar rahay ho agay barh rahay ho……… mai bas muskura diya……… uske beti ko bahut bahut sa pyar kiya aur a gaya………………..

Lekin …………

Meri zindagi me na koi aya hai
na aye ga……………………….

who mohabat who chahat who sab kuch jo uskay lye meray dil me tha………… who koi nahi lay sakta………….. mera dil bas ab uske yadon se abad hai…… har lamha har parl who hi khayal me rheti hai ……. uske bataen aky pechay nahi jana hamesha agay barhna ……….. kabhi toot mat jana mujhe aisay log buray lagtay han…………………..

…………………… dekh lo ……. aj 4 saal guzar gaye han………… 22 August muje hamesha yaad rahay ge ……… tumhari shadi jo thi ……………… tumhe apni ankhon kay samnay kissi ka hota dekha hai……… tumhari shadi ke taiyariyan ke hain……….. aur us shadi me who gana chaltay hue dekha hai “mubarak ho tumko yeh shadi tumhari… sada khush raho tum yeh dua hai hamari”………….. Mujhe to lagta hai maine mohabat nahi tumhari ibadat ke hai…………

Na tum kabhi meray khayalon se gaye then…….. na ja sakti ho…………. na aisa hua hai na hoga na main honay donga…………………