Ham jo tareek rahon men mare gai

tere honton ke phoolon ki chahat men ham
daar ki khushk tahni pe ware gai
tere haton ki shammaon ki hasrat men ham
neem tareek rahon men mare gai

sooliyon per hamare labon se pare
tere honton ki lali lapakti rahi
teri zulfon ki masti barasti rahi
tere hathon ki chandi damakti rahi

jab ghuli teri rahon men sham-e-sitam
ham chale aai, laa-e jahan tak qadam
lab pe harf-e-ghazal, dil men qandeel-e-gham
apna gham tha gawahi tere husn ki
dekh qaim rahe is gawahi pe ham
Ham jo tareek rahon pe mare gai

narasai agar apni taqdeer thi
teri ulfat to apni hi tadbeer thi
kis ko shikwa hai gar shouq ke silsile
hijr ki qatalgahon se sab ja mile

qatalgahon se chun kar hamare alam
aur niklenge ushshaq ke qafile
jin ki rah-e-talab se hamare qadam
mukhtasar kar chale dard ke fasle
kar chale jin ki khatir jahangeer ham
jaan gawan kar teri dilbari ka bharam
Ham jo tareek rahon men mare gai

Ab bhii har december main
mujhse pochte hain log
kis liye december main
yun odaas rehta hon
koi dukh chupata hon
ya kisi k jane ka
soug phir manata hon
ap mere album ka safa safa dekhen ge
aaye dekhata hoon zaapt aazmata hon
Sardiyon k mousam main garm garm coffee k
chote chote sip le kar
koi mujhse kehta tha
haye is december main kis bala ki sardi hay
kitna thanda mousam hay
kitni yakh hawayen hain
ap bhii ajab shey hain
itni sakht sardii main ho k itne beparwa
jeans or T-Shirt main kis maze se phirte hain
shaal bhii mujhe de dii
Cout bhii orha dala
phir bhii kampti hon main
chaliye ab sharafat se
pehan lijye sweater
ap k liye maine, bun liya tha do din main
kitna maan tha osko mere apni chahat par
Ab bhii har december main
oski yaad aati hay
garam garam coffee k chote chote sip lete
hath gal par rakhe herat o taajub se
mujh ko dekhti rehti or muskura deti
shookh o shang lehje main mujhse phir woh kehti thii
itne saard mousam main aadhii sleeve ki T-Shirt
*”Male Chauvinism” hay
is qadar na itrayen seedhe seedhe ghar jayen
ab ki baar jab ayen
Black trouser k sath, black high neck pehne
cout dhang ka le len
warna main qasam se phir aese rooth jaongii
samne na aaongii
dhondte hi rahiyee ga!
pass bethe Abbu k app sunte rahiye ga
tabsare siyasat (politics) par
coffe le kar kamre main tou phir na main aaongii
khali khali nazroon se app in khalaon main
yunhii takte rahiyee ga
or bekhayali par dant khate rahiye ga
kitni mukhtalif thii woh
sab se munfarid thii woh
apni ik laghzish se
maine khoo diya os ko
ab bhii har december main
oski yaad aati hay
sardiyon k mousam main
garam garam coffee k
chote chote sip letii
hath gaal par rakhe
herat o taajub se
mujh ko dekhtii rehtii thii
ab har december main os ki yaad aati hay

KHALILULLAH FAROOQUI

Yaad hai tumhe?

Shayad ab to yaad bhi na ho…. kal chaudhwen ke raat thi… saal 2007 ke akhri chaudhwen ke raat … December kay es mahinay ke Aakhri chand ke raat…. kitni hi yaaden mansoob han es raat k sath… tumne dekha Es saal bhi december apnaay sath yaadon ke baad-o-baaran (barish) laya tha… tumne dekha aaj se 11 saal pehly ke kahani es saal phir dohraye gaye thi….
Tumne dekha… kal chand puri aab o taab’ se chamka tha…. Shayad tumne yeh sab to dekha ho… per tumne wo 11 saal puranay manzar kal nahi dekhay hongay….

Kahten then… bhool jao gay, yeh sab baten fazool hote han , waqt har zakham ka marham hai sab kuch bhula deta hai….. na wo zakham bharay han na wo waqt guzra hai na mai tumhe bhoola hon.

Mujhe sab yaad hai aj bhi yaad hai aur shayad hamesha yaad rahay ga… 11 Saal pehly akhri december ke chaudhwen ke raat….. mujhe to shayad kitnay hi din yaad han per yeh raat kabhi nahi bholay ge..

Chalo aao aaj maazi me chaltay han tumhe lay k shayad k tumhe bhi kuch yaad aye..

11 saal pehly jab mobile aam nahi thay… jab ham freely baat nahi kar saktay thay… mery ghar me to phone tha nahi… tum bhi december ke thandi raaton me jab apnay marmareen bister per blancket me sardi se kanpti apna chota sa phone chupa k rakhte then…. aur … mai.. ghar k bahar guzarti hue PTCL lines se kunda laga k gallary me bhari thandak me tumhe call karta tha… us waqt to lines bhi digital nahi hue then aur Cross connection problem bhi tha es lye hame asani hote thi CLI bhi har jgha tha nahi…  ham ghantoon baaten kartay thay…………. kitni sardi hote thi….. tum us sardi ko apnay blancket me mehsoos karte then…….. aur mai…………. tumhary ke garmi apnay seenay me liye us sardi ko jhel leta tha…….

Tumse baat kar kay saray din k dukh halkay hojatay thay……… tumse baat kar kay aisa lagta tha jaisy sab kuch hasil ho gaya…….. tumse baat kar k aik apnaiyat se milte thi…… tumhari baaten karnay ka wo style…….

Jab baaton baaton me ham ziada romantic hotay thay to tumhara wo kehna…. door hato door hato… fasla rakho……. meri jaan lay leta tha… tumhari baaten karany ka wo andaz qatilana tha….

Aur kabhi kabhi jab mai koi baat kehta tha to tumhara agay se jee nahi acha nahi acha ….. es tarha meri baat kat’tay rehna…. mera tumhe tang kartay rehna…..

Tumhe pata hai december ke us raat.. jab ham phone per baaten kar rahay thay… keh rahy thay k yaar dekho log bila wajah december ko gham ka mahena kehtay han… aray itna acha mausam… mong phali (peanuts) khanay ka mausam hai, kaajoo khanay ka mausam hai … itni thand mazay se sonay ka mausam hai……. kitna maza ata hai es mausam me aur aj to chaudhwen ke chand hai aj samandar ka mahol to dekhnay wala hoga es sardi me….
December to khushyan lata hai….. aur tumne kaha tha k tumhe sardiyan pasand han….tumhara dil chahta tha k ham mil jayen… en sardiyon k mausam me tum mery sath kisi raat seaview ja k ghanton tahalte raho …… der tak ham samandar ke lehroon ke tez awazen suntay rahaen….

December ke us raat tumne kaha tha dekho chand pura hai kitna bhala lagta hai sardiyon ke raat aur es chand ke taiz roshni … aur us raat tum aur mai dono ne apnay apnay gharon se kitni hi der chand ko dekha tha…… chand ko dekh kar hamen socha tha… ham dono kissi roz apnay chotay se ghar ke roof pe kharay ho kar aik sath kissi roz es chand ko dekhengay….

Aaj 11 saal baad wo baaten wo raat ka manzar meri ankhon k samnay se guzar raha hai, wo mai wo tum aik ghar ke roof pe kharay han … wo mai tumhary shoulders pe hath rakhay chand ke taraf ishara kar raha hon wo tumhari nazren chand ke taraf hain mai tumse keh raha hon ………. dekho chand kitna khoobsoorat lagta hai….

Magar wo manzar sab raakh hue… wo baaten sab khuwab huen…. Hame bicharna tha so ham sath chal na sakay…Majboriyon ne mujhe jakar liya… qudrat ne tumhara sath bhi kissi aur ko saunp diya….

Socha tha hame milnay se koi rook nahi sakta… tumhe mujhse koi cheen nahi sakta… per waqt ne sath na diya…. raastay juda hue… Mohabat sachi thi so aaj bhi dil me waisay hi shad o abad hai.

Dekho chudhwen ke raat hai.. tumhari yaaden younhe mery sath han….

I Miss You…
Forever Yours………

Written by me (Faraz)

jawan raat key seeney pey dhoodhiya aanchal
machal raha hai kisi khuwab’e marmareen ki tarha
haseen phool, haseen pattiyan, haseen shaakhein
Lachak rahi hain kisi jism’e nazneen ki tarha
fiza mein khil se gaye hain ufaq ke narm khutoot
zameen haseen hai khuwabon ki sarzameen ki tarha
tasavurat ki parchaiyan ubharti hain

kabhi gumaan ki surat kabhi yaqeen ki tarha
woh pairh jin ke taley hum panah letey they
kharey hain aaj bhi sakit kisi ameen ki tarha
Read More…. »