Kaha Tha Usne Apna Bana K choron Ge Faraz

Hua Bhi Youn K Apna Banaya aur Chor Diya….

Muntazar kabsey tahiyar hai teri taqdeer ka
baat kar tujh par gumaan honay laga tasveer ka

raat kiya soye key baki ummar ki neend ur ghai
khawab kiya dekha key dharka lag giya tahbeer ka
kaisey paya tha tujhey phir kis tarah khoya tujhay
mujh sa munkir bi to qayal ho gaya taqdeer ka
jis ko bhi chaha usay shidat say chaha hai FARAZ
silsila tota nahi hai dard ki zanjeer ka.

Ungliyan Aaj Bhi Isi Soch Main gum Hain Faraz
Us Ne Kaisey Naye Hath Ko Thama Ho Ga

Jeewan Zehr Bhara Sagar
Kab Tak Amrit Golaingay
Neend Tau Kya Aayaigi Faraz!
Mauth Aayee Tau So Laingay!

na hareef-e jaan, na shareek-e ghum, shub-e intazaar koi tau ho
kise buzm-e shauk mei lain hum, dil-e be-qarar koi tau ho
kise zindagi hai aziz ab, kise aarzoo-e shub-e taurub
magar ai nigar-e wafa talub, tera aitebar koi tau ho
kahin taar daman-e gul milay tau yeh maan lain keh chamun khile
keh nishan fasul-e bahar ka sur-e shakhsaar koi tau ho
yeh udaas udaas se baam-o dar, yeh ujar ujar si rah guzr
chalo hum nahin na sahi magar sir-e ku’a yaar koi tau ho
yeh sakoon-e jaan ki ghari dhale tau chiragh-e dil hi na bujh chale
wo bala se ho ghum-e ishq ya ghum-e rozgaar koi tau ho
sir-e muqtil-e shub-e aarzoo hai kuch tau ishq ki aabroo
jo nahin aadoo tau Faraz tu keh naseeb-e daar koi tau ho

tujh se mil ker bhi kuch khafa hein hum
be-maruwut nahin tau kya hein hum
hum ghum-e karwaan mein baithe thay
laug sumjhe shikasta pa hein hum
is turhan se humein raqeeb milay
jaise mudat ke aashna hein hum
raakh hein hum agar yeh aag bujhi
juz ghum-e dost aur kya hein hum
khud ko sunte hein iss turhaaN jaise
waqt ki aakhri sadaa hein hum
kyon zamane ko dein Faraz ilzaam
wo nahin hein tu be wafa hein hum

hum bhi khud dushman-e jaaN thay pehle
tum magar dost kahaN thay pehle
ab wahaN khaak ooratee hai khizaaN
phool hi phool jahaaN thay pehle
ab jo deewar bunay baithay hain
soorat-e mooj rawaaN thay pehle
kuch sharabee keh hein ab rah nasheeN
ronaq-e buzm-e maghaaN thay pehle
hum keh hein aaj ghobaar puss-e ro
munzil hum sufraaN thay pehle
ab kise waza-e mohabbat ka khayal
aur hi loag yahaan thay pehle
ab to khudh per bhi nahin zaam-e wafa
tujh se hum shikwa kinaaN thay pehle
bun gya kafla chaltay chaltay
wurna tunha hi rawaan thay pehle
dolat-e ghum tau moyashar thi Faraz
itne muflis bhi kahaan thay pehle

hur zakhum ko seenay peh saja laite hein
her dard ko hum dil mein basa laite hein
tum pholoon peh soutay ho tu dukhta hai badan
hum kantoon ko aankhooN se laga laite hein

tum bhi khafa ho loog bhi burhum hein dosto
ab ho chala yaqin keh bouray hum hein dosto
kis ko hamare hal se nisbut hai kya karein
aankhein to dushmanooN ki bhi purnum hein dosto
apne siwa humaray na hoonay ka ghum kise
apni talaash mein to humein hum hein dosto
kuch aaj shaam hi se hai dil bhi bujha bujha
kuch shahr ke chiragh bhi mudhum hein dosto
iss shahr-e aarjo se bhi baahar nikal chalo
ab dil ki raunaqein bhi koi dum hein dosto
sub kuch sahi Faraz per itna zaroor hai
dunya mein aise loog bauhut kum hein dosto

juz teray koi bhi din raat na janay meray
tu kahaN hai magr Ah dost puranay meray
tu bhi khushboo hai magr mera tujusus bekar
burg-e-awara ki maninth dikhAnay meray
shumA ki lau thi kay wo tu tha magr hijr ki raat
dair tuk rotA raha koi sirhanay meray
khalq ki beKhabaree hai keH meree ruswa’ee
looq mujh ko hi sunatay hein fusanay meray
lut keh bhi khush hooN keh ashkooN se bhara hai daaman
dekh gharat gare dil yeh bhi khazane mere
Aaj ik aur burS beeth gya oos kay beghair
jis kay hotay hooay hotay thay zamanay meray
kaash tu bhi meri awaaz sunta ho
phir pukara hai tujhe dil ki saada ne mere
kaash tu bhi kabhi aajaye masiha’ee ko
loog aate hein bohat dil ko dukhane mere
kaashi aurooN ki turhaaN mein bhi keH sukta
baat soon li hai meri, aaj khuda ne mere
to hai kis haal mein aih zood-faramosh mere
mujh ko tu cheen lya aihed-e wafa ne mere
chara-gr yooN tu bohut heiN magr aeh jaan-e-faraz
juz teray aur koi zaghum na janay meray