Faraz Ahmed's Personal Blog

Aik Badshah Tha

admin — Fri, 14 Nov 2008 22:13:00 +0000

Each day is a new canvas to paint upon

admin — Fri, 14 Nov 2008 20:25:03 +0000

Everyone is good till you

admin — Fri, 14 Nov 2008 20:18:18 +0000

Faraz Ahmed Favorite Quote

Sab Mohabbat ka ik peher hai

admin — Thu, 13 Nov 2008 22:45:21 +0000

Yeh jo palkon pay rim-jhim sitaron ka maila sa hai
Yeh jo tere bina koi ittna akaila sa hai
Zindagi terei yaadon say mehka hua shehar hai
Sub muhabbat ka ik pehar hai

Sahilon pay gharonday banae thay hum nay
Tumhain yaad hai?
Rang barish main kaisay urae thay hum nay
Tumhain yaad hai?
Janay kis kay liye ghar sajae thay hum nay
Tumhain yaad hai?

Koi khushbo ka jhoonka idhar aa nikalta kaheen
Hota needon kay sehra main khoabon ka rasta kaheen
Har khushi aatay jatay hoyee waqt ki lehar hai
Sub muhabbat ka ik pehar hai

Zindagi dhoop chaon ka ik khail hai…bheer chat’ti nahi
Aur issi khail main din guzarta nahi….raat kat’ti nahi

Pyar kertay hoyee aadmi ki kabhi umer ghat’ti nahi
Dil ki dehleez par akse-e-roshan tairay naam say
Rat-jagay aainon main khilain hain kaheen shaam say
Aik darya hai charon taraf , darmiyan lehar hai
Sub muhabbat ka ik pehar hai

Yeh jo palkon pay rim-jhim sitaron ka maila sa hai
Yeh jo tairay bina koi ittna akaila sa hai
Zindagi tairi yaadon say mehka hua shehar hai
Sub muhabbat ka ik pehar hai

Sub muhabbat ka ik pehar hai……..!!

Ek basti thi dil walon ke

admin — Thu, 13 Nov 2008 21:09:40 +0000

Eik BaSti Thi Dil WalOun Kii
Jhaan Chand Aur SOoraj Rehtay Thay
Kuch SOoraj Maan Ka Pagel Tha
Kuch Chand Bhe ShOkh ChanChal Tha
BaSti BaSti PhiRtay Thay
Har Pal HanStay Rehtay Thay
Phir Eik Din Dono ROoth Gye
Aur Saray Sapnay tOot Gye
Ab Chand Bhe Us WaQat Aata hAi
SOoraj Jab So Jata hAi
Badal Sab Sey Kehtay hAin
SOoraj Uljha Sa Rehta hAi
Chand Key Saath Sitray hAin
Par SOoraj tAnhA Rehta hAi

Tumhari Yaad Se Jab Ham

admin — Thu, 13 Nov 2008 21:08:35 +0000

TUmhari Yaad Sey jab hUm Guzarnay Lagtay hAin
Jo kOii Kaam Na Ho Bus Karnay Lagtay hAin

Tumharay Aaiyena e Zaat Key Tasavur Mein
hUm Apnay Aaiyenay K Aagay Sanvarnay Lagtay hAin

tUmharay KOocha e jAa’n BakhSh Key Qalandar Bhe
Ajeeb lOg hAin Har Lamha Marnay Lagtay hAin

hUm Apnay Haalat e Be-Haali e Azyet Mein
Na Janay Kis Ko KiSay Yaad Karnay Lagtay hAin

bOhet Udaas hOn Main Gham Sada Nahi Rehta
bOhet Udaas hOn Mein Zakhm Bharnay Lagtay hAin

Inhien Mein Teri Tamana Ka Fan Sikhata hOn
Jo Log Teri Tamana Sey Darnay Lagtay hAin

Yhaan Mein Zikar Nhe Kar Rha MakeenOun Ka
Kabhe Kabhe Dar O Devaar Marnay Lagtay hAin

Mohabbat Ke Tabiyat Me

admin — Thu, 13 Nov 2008 21:03:03 +0000

Mohabbat kii tabiyat men
ye kaisaa bachapanaa qudarat ne rakkhaa hai
ke jitanii puraanii jitanii bhii mazabuut ho jaaye
ise taa_iid-e-taazaa kii zaruurat phir bhii rahatii hai
yaqiin kii aaKhirii had tak dilon men lah_lahaatii ho
nigaahon se Tapakatii ho lahuu men jag_magaatii ho
hazaaron tarah se dil_kash hasiin haale banaatii ho
use izhaar ke lafzon kii haajat phir bhii rahatii hai
mohabbat maaNgatii hai yuuN gavaahii apane hone kii
ke jaise tifl-e-saadaa shaam ko ik biij boye
aur shab men bauraa uThe
zamiin ko khod kar dekhe
ke paudhaa ab kahaaN tak hai
mohabbat kii tabiyat men ajab takaraar kii Khuu hai
ke ye iqraar ke lafzon ko sunane se nahiin thakatii
bichhaDane kii ghaDii ho yaa ko_ii milane kii sa’at ho
ise bas ek hii dhun hai
kaho mujh se mohabbat hai
kaho mujh se mohabbat hai
kuchh aisii besakuunii hai vafaa kii sar_zamiinon men
ke jo ahal-e-mohabbat ko sadaa bechain rakhatii hai
ke jaise phuul men Khsuhbuu ke jaise haath men taaraa
ke jaise shaam kaa taaraa
mohabbat karane vaalon kii sahar raaton men rahatii hai
gumanaam ke shaaKhchon men aashiyaaN banataa hai ulfat kaa
ye ain visaal men bhii hijr ke Khadshon men rahatii hai
mohabbat ke musaafir zindagii jab kaaT chukate hain
thakan kii karachiyaaN chunate vafaa kii ajaraken pahane
samay kii rah_guzar kii aaKhirii sarhad pe rukate hain
to ko_ii Duubatii saaNson kii Dorii thaam ker
dhiire se kahataa hai
ke ye sach hai naa
hamaarii zindagii ik duusare ke naam likhii thii
dhundhalakaa saa jo aaNkhon ke qariib-o-duur phailaa hai
isii kaa naam chaahat hai
tumhen mujh se mohabbat thii
tumhen mujh se mohabbat hai
mohabbat kii tabiyat men
ye kaisaa bachapanaa qudarat ne rakkhaa hai

Sab Tumare Liye

admin — Thu, 13 Nov 2008 21:01:29 +0000

Sab tumare liye
jan-e-jan ye jahna, ye zameen asman
ye mere raat din, khak tere bin
ye meri zindagi, dosti dushmani
raste, waste, sabh tumare liye
tum jo dekho to mere shab-o-roz ko
koi matlab mile
tum jo pocho to mere her ik harf ko
koi rutba mile, koi mansib mile
tum jo socho mere waste kuch bhi
mein sitaroon ko muthi mein bhar laon
tum agar ek mujh ko awaz do
mein jahna per bhi hoon, laut ker ayon
ye mere jism-o-jana mere shir-o-sukhan
meri tanhiyna
bazmaryina
Sabh tumare liye
sabh tumare liye

Haqeeqat

admin — Thu, 06 Nov 2008 21:35:28 +0000

Main ye soch kar uske ghar se utha
ke wo rok legi mana legi mujhko

Hawaon mein lehrata aata tha daaman
ke daman pakar kar bula legi mujhko

kadam aise andaz se uth rahe they
ke awaz dekar bula legi mujhko

Magar usne roka na usne manaya
Na daaman hi pakra na mujhko bithaya
Na awaz hi di na waapas bulaya
Main ahista ahista badhta hi aaya
Yahan tak ki us se juda ho gaya main
Juda ho gaya main juda ho gaya main…..

Yahen kahen pe guzra hai bachpan

admin — Thu, 06 Nov 2008 18:59:25 +0000

Yahen kahen pe guzra hai bachpan…… yahen kahen pe en hi galiyon me hamne jeena seekha hai, enhi galiyon se wabasta hai khushyan apni aur gham. En hi galiyon me doston k sath khelay han, en hi galiyon se wabasta han yaaden zindagi ke.
En hi galiyon me dauray han nangay paon, enhi galiyon me doston ka hujoom aur ham, en hi galiyon me wo choti se gali me khelna cricket, aur jab ball kisi k ghar jati to bat lay kar bhaagna….
Wo school me teacher ka kisi aur ke ghalte pe mujhe khara kar dena… aur wo mery doston ka munh chupa chupa k hansna…
Yahen kahen se wabasta han wo sari yaaden.. wo ami ka meri side lena wo baba ka mujhe dan’tna … wo der der tak ghar se ghayab rehnay par aksar maar parna…
Enhi galiyon me kisi ke pareshani me pareshan ho jana, aur sab doston ka jama ho jana aur phir maslon ka hal ka sochna…
En hi galiyon me khelay han kooday han wo gard se atay hue kapray, wo keechar me atay hue jootay…. En hi galiyon me barsaton me bheegna…
Enhi galiyon me wo loadshading sham’on me aur hamara chekna chillana…….
Aur wo aur wo …. Raat me mohalay me sab doston ka jama ho jana aur phir din bhar ke baaten aik dojay ko batana…
Enhi galiyon k wo ratjagay… wo raaton ko ghoomna wo mohalay k park me night match khelna…
En hi galiyon me wo aik ghar….. aur usme khirki…… us khirki se wabasta han kitni hi yaaden apni.
Wo kisi ka gallery me ana… wo dil ka machal jana… wo love letter bhejnay k mauqay dhundhna, wo aik nazar dekhnay k lye kitnay hi bahanay dhundhna.
Enhi galiyon se seekhi hai baytabi en hi galiyon me aye hai jawani…. En hi galiyon me phailay wo mohabat k fasanay….
En hi galiyon me ham phirtay rahay han ho k deewanay…
Wo ghar ka terrace pe jana kisi k phone me kunda lagana. Aur phir ghanton kisi se baaten banana…
Yahen pe seekha hai zindagi ko jeena , yahen se socha hai maqsad ziindagi ka yahen se aya hai junnon kuch panay ka kuch kar dekhanay ka
Yahen kahen pe guzra hai bachpan, enhi galiyon se wabasta hai zindagi ke haseen yaadeen haseen baaten haseen sham’en….
Main jo kuch bhi hon enhi galiyon’ se hon….. yahen jeena hai yahen marna hai… enhi galiyon se wabasta hai zindagi apni….
Inspired by Wasi Shah’s Nostalgia

Mohabbat Bandgi hai is main Tan ka Qurb mat mang

admin — Wed, 05 Nov 2008 23:22:27 +0000

Mohabbat Bandgi hai is main Tan ka Qurb mat mang
K Jisay choo lia jaye usay pooja nahi kartay

Jab bhi yeh dil udas hota hai

admin — Wed, 05 Nov 2008 21:47:20 +0000

Jab bhi yeh dil udaas hota hai
Jaane kaun aas paas hota hai

Hont chup chaap bolte ho jab
Saans kuch tez tez chalti ho
aankhen jab de rahi ho awaazein
thandi aanhon mein saans jalti ho
thandi aanhon mein saans jalti ho..
Jab bhi yeh dil udaas hota hai
jaane kaun aas paas hota hai

Aankh mein tairti hain tasveerein
tera chehra tera khayal liye
aaine dekhta hai jab mujhko
ek masoom sa sawaal liye
ek masoom sa sawaal liye

Jab bhi yeh dil udaas hota hai
jaane kaun aas paas hota hai..

Koyi vaada nahi kiya lekin
kyon tera intezaar rehta hai
bewajeh jab qarar mil jaaye
dil bada beqarar rehta hai
dil bada beqarar rehta haii

Jab bhi yeh dil udaas hota hai
jaane kaun aas paas hota hai…

Some battles have to be fought alone

admin — Mon, 03 Nov 2008 21:20:10 +0000

‘Taal’ A Beautiful Blend of Love and Music

admin — Fri, 31 Oct 2008 14:08:54 +0000

Taal is promoted as a musical love story. Its a triangular love story at that. It’s main highlight is Aishwariya Rai’s beauty & acting and A R Rahman’s music.
Taal has the eternal love triangle involving Mansi (Aishwarya Rai), Manav (Akshaye Khanna) and Vikrant (Anil Kapoor).Mansi, from Chamba in Himachal Pradesh, is the daughter of a village folk singer and dancer.
Manav is the son of a businessman who comes to Chamba to buy some land. He falls in love with the place — and Mansi. He promises her marriage and goes back to the city telling himself that love is faith and other things in the same vein.
But Manav’s foreign-bred aunt creates trouble and the lovers are separated. Mansi meets Vikrant Kapur who is a loud, flashy music director who also happens to own a music company.
Vikrant’s eyes light up on seeing Mansi and he assures her she is star material. He makes her a star and falls for her in the process.
Taal is shot beautifully and all the actors are made to look excellent. The locales in Himachal Pradesh are breathtaking. But the story is not all that original.

Aishwarya seems to be developing into a fine actress. She looks beautiful in a quite sober and soft role. Though she looks pained and tragic in most of the film, she does a good job of a woman who is very protective of her father and one who doesn’t think twice before rejecting a lover who has insulted her father.
Ghai’s style shows through despite his effort to maintain a very north Indian flavour. And it is in the picturisation that his songs actually gain in value. They tend to grow on you thereafter.

The music of Taal is doing extremely well. There are 12 songs in the film. Ghai has once again made his songs a treat for the eyes. Ramta Jogi may well have the audience on their feet.
Aag lage lag jaave has Aishvarya looking bewitchin

Farz karo hum ahde wafa hoon

admin — Thu, 30 Oct 2008 21:17:21 +0000

farz karo hum ahde wafa hoon
farz karo dewane hoon
farz karo ye sare batenjhoti ho afsane ho
Farz Karo Tum Chat Par Baithi Apne Baal Sukhati Ho
Farz Karo Dhoop Ka Uss Din Kuch Kuch Rang Gulabi Ho
Farz Karo Yun Baithe Baithe Gehri Soch Main Kho Jao
Baal Sukhana Chor Kar Sir Guthnon Par Rakh Kar So Jao
Farz Karo Uss Neend Main Dekha Tum Ne Aisa Sapna Ho
Be Kul Ho Kar Moo Yeh Chahe Kash Yeh Sapna Apna Ho
Farz Karo Aik Naam Likho Tum Likh Kar Kaato Phir Likho
Farz Karo Sapne Afsaane Khat Ka Naam Mohabbat Ho
Farz Karo Hum Donon Ke Dil Aik Sath Dharakte Hon
Farz Karo Yeh Sari Baaten Farz Naa Karna Parti Hon

Tumse Mera Kya Rishta Hai

admin — Thu, 30 Oct 2008 21:15:22 +0000

Koi tum se poche “Kon Hoon Mein”
Tum keh dena..Koi Khas Nahi
Ik dost hai kacha paka sa
Ik jhoot hai aadha sacha sa
Jazbat ko dhanpey ik parda
Bas aik bahana acha sa
Jevan ka aik sathi hai
Jo dour buhat hai pass nahi
Koi tum se poche “Kon Hoon Mein”
Tum keh dena..Koi Khas Nahi

Yaad Hai?

admin — Thu, 30 Oct 2008 20:28:39 +0000

Yaad hai ??

Aa kisi shaam kisi yaad ke dehleez pe aa
Umar guzari tujhay daikhay howay behlaye howay

Yaad hai ??
Hum Tujhay DIL Mantay Thay
Teray her nakhray ke farmayish per
Aik jewan ke tamanaon ke beenaii say hum daikhtay thaktay hee naa thay
Sochtay thay
Aik chohta Sa naya gher
Muhabbat ke fiza
Hum donoo
or kisi baat pe Takiyoon say laraii apni
Phir laraii main kabhi hanstay howay roo parna
Or kabhi rootay howay hans parna
Or thak haar k gir parnay ka masoom khushi bakhsh khayal

Yaad hai??
Hum Tujhay Sukh Jantay Thay
Raat hanse parti the bay-sakhta darshan say teray
Din teri doori say roo parta tha

Yaad hai??
Hum Tujhay JAAAN Kehtay Thay
Teri khamoshi say ham mar jatay
Teri Awaz say jee othtay thay
Tujh ko Cho lenay say ek zindagi aa jaty the Sheryaano main
Thaam lenay say koi shahar sa bas jata tha veeranoon main

Yaad Hai??
Hum tujhay milnay k liye
Waqt say pehlay pohanch jatay thay
Or mulaqat k bad
Hum bohat dair say gher aatay to kehtay….keh hamain kuch na kahoo
Hum bohat door say gher ayay hain
Is qadar door say ayay hain keh shayd he koi aa paye

Yaad hai??
Hum Tujhay Bhagwan Samjhtay Thay Magar Kufar Say Darr Jatay Thay
Teray Chhin janay ka darr theek say rakhta tha Muslimaan hamain

Aa kisi Shaam, Kisi Yaad Ke Dehleez pe Aa
Teray bhoolay howay rastay pe liye phirta tha imaanhamain
or Kehta tha keh pehchaan hamain
Yaad Hai??
Hum Tujhay Imaan Kaha Kartay Thay….

Problems becomes opportunities

admin — Wed, 29 Oct 2008 11:43:41 +0000

Problems become opportunities when the right people come together.

Pyar Deewana Hota Hai

admin — Wed, 29 Oct 2008 09:31:47 +0000

pyaar diwaanaa hotaa hai, mastaanaa hotaa hain
har khushee se, har gam se, begaanaa hotaa hain

shamaa kahe parawaane se, pare chalaa jaa
meree tarah jal jaayegaa, yahaa naheen aa
wo naheen sunataa, us ko jal jaanaa hotaa hain

rahe koee sau paradon me, dare sharam se
najar ajee laakh churaye, koee sanam se
aa hee jaataa hain jis pe, dil aanaa hotaa hain

suno kisee shaayar ne ye, kahaa bahot khub
manaa kare duniyaan lekin mere mehaboob
wo chhalak jaataa hai, jo paimaanaa hotaa hain

Chand Mera Dil

admin — Mon, 27 Oct 2008 19:09:53 +0000

chaand mera dil chaandni ho tum
chaand se hai door chaandni kahaan
laut ke aana hai yahin tumko
jaa rahe ho tum jaao meri jaan
waise to har kadam milenge log sanam
milega saccha pyaar mushkil se
ho dil ki dosti khel nahin koyi
dil se dil hai milta yaar mushkil se
yehi to hai sanam pyaar ka thikana
main hoon (3)

chaand mera dil chaandni ho tum
chaand se hai door chaandni kahaan
laut ke aana hai yahin tumko
jaa rahe ho tum jaao meri jaan
jaao meri jaan, jaao meri

Mera Chand Mujhe Aaya Hai Nazar

admin — Sun, 26 Oct 2008 20:13:31 +0000

Mera Chand Mujhe, Aaya Hai Nazar
Mera Chand Mujhe, Aaya Hai Nazar
Aye Raat Zara, Tham Tham Ke Guzar
Aye Raat Zara, Tham Tham Ke Guzar

Chaaya Hai Nashaa, Meri Aankhon Par
Chaaya Hai Nashaa, Meri Aankhon Par
Aye Raat Zara, Tham Tham Ke Guzar
Aye Raat Zara, Tham Tham Ke Guzar
Mera Chand Mujhe, Aaya Hai Nazar…

[Mere Dil Mein Hain Armaan Kayee Kayee
Meri Chaahat Hai Abhi Nayee Nayee
Meri Chaahat Hai Abhi Nayee Nayee

Reh Jayee Na Pyaasa Pyaar Mera
Meri Baahon Mein Bhar De Yaar Mera
Itna Sa Karam Tu Kar Mujh Par
Itna Sa Karam Tu Kar Mujh Par
Aye Raat Zara, Tham Tham Ke Guzar
Aye Raat Zara, Tham Tham Ke Guzar
Mera Chand Mujhe, Aaya Hai Nazar...

Hmmm, Aa Haa Aaa
Aa Haa Aa, Aye Hey Hey

[Abhi Labon Ko Labon Ne Chua Nahin
Armaan Koi Pura Hua Nahin ]2
Abhi Aas Ka Gulshan Khilna Hai
Abhi Do Jismon Ko Milna Hai

Dekhoonga Abhi Main Woh Manzhar
Dekhoonga Abhi Main Woh Manzhar
Aye Raat Zara, Tham Tham Ke Guzar
Aye Raat Zara, Tham Tham Ke Guzar
Mera Chand Mujhe, Aaya Hai Nazar

Mera Chand Mujhe, Aaya Hai Nazar
Aye Raat Zara, Tham Tham Ke Guzar
Aye Raat Zara, Tham Tham Ke Guzar
Mera Chand Mujhe, Aaya Hai Nazar

Umeeden (Sent Item)

admin — Sun, 26 Oct 2008 15:43:35 +0000

A.Salam.
Umeed hai ap kharyat se ho ge……. Khush hoge…. Eman aur Sehat ke behter halat me hoge……
Aap se ke zindagi se jatay hue aaj Akhri Alvida letay hue kuch kehna tha.
Socha tha yeh zindagi aik safar hai……… es safar ke aik rah guzar hai , aur us reh guzar pa ap mery ham safar han……
Ham qareeb aye…… aik dosray se hamari soch milte thi, hamari pasand milti thi ………….. jab tak sath raha ham bahut khush rahay…
Yeh mat samhajye ga k mujhe ap se koi shikayat hai…… shikayat kaisy ho….. shikayat to apno se hote hai aur jab apne hame apna hi nahi samjha to phir yeh ghalte ham bhi nahi ka saktay…….
Baat itni se hai kay ap se hame bahut umeeden then……..Umeeden jinse jazbat bandhay thay….. Umeed thi k jab sab sath chor jayengay to ap kaho ge Pareshan na hona rasta mushkil hai to kya, waqt bura hai to kya, es zindagi ke reh guzar pur khatar hai to kya, es per ja baja kantay han to kya…… mai tumhary sath hon…….
Umeed thi k aap wafa ka daman kabhi na choro gay, aap par aitbar tha , ap se dil ke har baat kahi thi, umeed thi k ap un baaton ka pass rakho gay ap mery dil ko kabhi na todo gay……
Umeed thi k har jazba jo mery dil me hai….. aur dil jo apkay qadmon me rakha tha ap uska pass karo gay………..
Umeed thi……….. k aik baar hath yeh jo thama hai……. hamesha mery hathon me rahay ga………….
Umeed thi hamara sath kabhi na chootay ga.
Per umeed aur wafa per bahut kam log puray utartay han…….. qasoor apka nahi……… umeeden meri hi kuch ziada then……… , ghalti meri hai……. maine ap se kuch ziada hi umeeden wabasta kar le then…….
Ghalti to har saza ke milti hi hai……..
Mujhe bhi apni hi ghalte ke saza mili hai………
Jo youn ap mera aitbar tod kar, mery jazbaat bharay dil ko khak me mila kar…….. rasmo ke riwajon ke….. dunya ke baaton me a gaye……..
Aur mera sath chor kar chal diye………
Khush rahye ga.
Faqat woh jiskay lye ap kabhi kehte then.
kuch ajab khuwahish hai, kuch es tarha pahchani jaon
mai teray naam se jani jaaon.

Umeeden.. Sent Item (yeh sent item eslye likha gaya hai ta kay aisa lagay k yeh aik email hai aur yeh email kisi ko sent ke gaye hai.)

Aik Ehsas

admin — Sun, 26 Oct 2008 15:41:39 +0000

Aaj aik ehsas bahut shidat se ho raha hai.
Yeh jo baten hote han…….. Zindagi bhar sath rehngay……. kabhi nahi chor saktay……. mai tumhary bin nahi reh sakta…. tum mery bin nahi reh sakten……. mai adhora hon tum bin……
Waqt sab kuch tabdel kar deta hai…….. waqt zindagi badal deta hai, waqt pasand badal deta hai, waqt priority badal deta hai…..
Per waqt kisi ko itna badal sakta hai, mai yh soch kar hairan hon. Waqt ne tumko bahut badal diya hai. Lehja badal gaya hai, Andaz badal gaya hai.
Aaj eid tumhary baghair……… Mery lye yeh namumkin hai…. per thanks tumne esko mumkin bana dala………
Aaj sab umeeden dam tord gayen……. Aaj tanhai ka ehsas mujhe khaye ja raha hai…. Aaj mai sab se bachta phir raha hon…….. kahe kisi se milna na par jaye…… dil me udasi aur samnay hansi…… mai banawat nahi kar sakta…….
Tumhe to pata hi hai….. mai banawat nahi karta hon…….. jaisa hon waisa rahta hon……
Kitni umeeden then… Tumhary hathon me rang birangi chooriyan pahnanay ke, Tumhari hinaye (mehndi lagay) hathon ko tham lenay ke, Tumhary chehray ke muskurahat hi to zindagi thi, tumhari baaten mujhe pagal kar dete then.
Dekho kya socha tha….. Kitna intizar kiya tha aaj es eid ka… Tum hoten to kehten…. tum per hi-nech acha lagta hai, tum yeh T-Shirts mat pehna karo, aur haan kurta white lena tum white kurtay me achay lagtay ho.
Mera wo tumhari baaton ko suntay rehna, muskuratay rehna….. dil hi dil me aik toofan barpa hota tha……. aik ehsas jo har waqt mujhe madhosh sa rakhta tha…… koi hai jisko meri parwah hai…… koi hai jisko yeh parwah hai k mai acha lagon……. koi hai jisko yeh parwah hai k mujh pe kya acha lagta hai…………..
Per na janay kyon tumhe laga k ham sath nahi chal saktay…… hamari manzil alag han……. na janay kyon tumne aisa feel kiya Aur mujhe chor chalen…….
Per mujhe ab tak yeh ehsas hota tha……… koi tumhari majbori hai jo tum mujhe bata nahi rahi ho…… koi baat hai jo tum chupa rahi ho……. koi to bahut bari wajah hai jis per tumne mujhe chora hai……
Aaj tumse baat kar k ehsas hua….. mai ghalat tha, tum to yaksar bhula chuke ho…..Aaj to andaz hi badla hua tha……
Aaj dil me basay arman ansoo’won ke mitti me zinda dafan ho gaye han…….. Aaj ahsas hua hai k tum door ja chuke ho……
Aaj ehsas hua hai…… K eid tum bin kuch nahi hai
Kuch bhi nahi.

Sukoon

admin — Sun, 26 Oct 2008 15:39:35 +0000

Kuch baaten kehnay ke han…… Kuch baaten jo tumhe batani han…. kuch baaten jo dil me han….
dil ke baaten adhori khuwahishon ke tarha …….. dil ke baaten… machaltay armano ke tarha….. dil ke baaten…. wo baaten… jo tumhe batanay ke khuwahish hai…. dil k arman jo puray karnay ke khuwahish han sang tumhary……

Es dil me pyar bharay arman machlay han… es dil me kisi ko panay ke khuwahish jaagi hai…. es dil me kisi k sang zindagi guzarany ke khuwahish jaagi hai… es dil me kisi ko banhon me bhar lenay… kisi ko toot k pyar karnay ke khuwahish jaagi hai….

Janti ho… Khuda se aaj tak sirf aik dua ke hai…… haan sirf aik dua…. aur dua yeh hai k ham mil jayen aur tum hamesha hamesha khush raho….

Es dil ke bahut se baaten tumhe batani han…. Mai nahi janta kal ham sath hongay ya nahi… mai nahi janta kal tum mery hamsafar ho ge k nahi….. mai nahi janta k hamara sath kab tak hai…
Mai yeh janta hon… tumharay pyar, tumhary ehsas.. tumhari tadap, tumhari chahat ne meri zindagi me jo surror diya hai, jo sukoon diya hai… wo hi mera rahbar e manzil hai.

Jaanti ho.. mery nazdek zindagi aik safar hai… balki meri ankh se dekho to zindagi aik lambi sadak hai youn lagta hai… es safar me mai hon tum ho …… ham dono k hathon me hath han……. aur ham sath chal rahay han… hame sath chanla hai…. kahen mai thak jaon to tum mera sahara ho, kahen tum thak jao to mai tumhara sahara hon…
Kahen ye safar pura khatar hai (khatron se bhara)…… kahen es safar me kantay han to kahen gulzar han…mujhe nahi pata waqt kaisa hoga mujhe nahi pata agay rah guzar kaisi hoge… mujhe nahi pata es safar me agay kya hona hai…….
Per maine itna chaha hai…….. safar jaisa bhi ho… tum hamsafar ho….. es safar me tumhara sath hi mery lye zindagi guzar denay k lye kafi hai…… mujhe talash e manzil nahi mujhe raston ke justujo bhi nai…… ik tumhara mil jana mery lye kainat pa lenay jaisa hai…..

Es dil me tumhary lye kitnay arman machaltay han… kabhi seenay se lago… kuch kahay bina… kuch sunay bina…. dil se dil ke aik dori k bandhnay par…. tum jaan jao ge….

Suno meri yah khuwahish hai…. tumhary sab gham… tumhari har pareshani… mai lay lon…… tumhe banhon me bharlon tumhara har gham apnay seenay pe lay lon… tumhe pyar don tumhe sukoon don……..

Khuda se sirf tumko manga hai….. Jo tum na milen….. to zindagi me kabhi koi dua na hoge…

Love You…
Truely
Madly
Deeply
You’re Mine… Just Mine…

Bohat Der Kardi Hai….

admin — Fri, 24 Oct 2008 04:52:28 +0000

ye jo tum lafz likhte ho ye jo tum harf buntay ho youn he benaam jazboon ko haseen ik rang dete ho teh’hai dil main chupi batein jisse tum youn sunate ho yeh kiss k naam karte ho?

bhala woh koun hai janaa?

jo youn neendain churati hai?

ragg-o-jan main utar’ti hai tumhare dil main basti hai bhala wo husn ka paikar zara humko bhi batlao bhala wo koun hai humdam………?

bhala wo koun hai humdam………?

MAIN SUN KAR SABHI YE BATEIN bohat dhere se hansta tha ussay bechain karta tha main usko youn satata tha main kehta tha…….

“main bataoon ga jab uska waqt aaye ga abhi kuch dair baki hai”

WO KEHTI THI “mujhe ye khauf hai janaa…….. kahin tum dair na kardo!”

MUJHE YE MAAN THA KHUD PER k behte waqk ka dhara main uss muthi main bhar loon ga !!!!!!

MAGAR SHAYAD!!!!!! ussay janay ki jaldi thi k iqraare wafa k din wo chanchal shokh si larki aur uske jhilmilate nain manno matti main ja soye…….

MAIN USKO DHOONDHTA HOON AB main khud ko roolta hoon ab assay kaisay bataoon sab k main jo lafz likhta tha k main jo harf bunta tha ussi k naam karta tha

MAIN KAISE KAHON YE AB k haan janaa……! tumhain jo khauf la’hak tha wo to ho giya mujhse meri khali hai muthi ab haan maine dair kar di hai……… bohat he dair kar di hai……