Meray dost kamran ke aj First date thi woh ghabra raha tha, Mai uska sab se acha dost tha wo mery pass aya aur bolnay laga k yaar tu bhi sath chal mujhe aj Aine se milna hai, mai hans diya aur usko kaha “abay ja yaar date laga mujhe q pareshan kar raha hai, mai kabab me haddi nahi banta” uskay kafi israr per mai raazi ho gaya.
Ham dono Seaview pahunch gaye jahan Aine aur uske aik dost pehly se maujood thi wahan ham sea view per jo Pizza hut ka trailer khara hota hai wahan chalay gaye aur aik large pizza order kar diya sath baith gaye.

Aine ke dost mai, mera dost kamran aur Aine ham 4 log whan maujood thay khoob hansi mazaq hota raha kafi der tak ham sab baaten kartay rahay, itna hansi mazaq hua k bas ……
Phir ham dono wapas a gaye….

Es baat ko 4/5 din hi hue hongay k Aine ke dost jo us din uskay sath aye thi uska phone aya, us se as usual hansi mazaq k mood me baat shuru ho gaye uska naam Farha tha BA ke student thi wo mai aik call center me job karta tha…

Kuch din baad kamran ko dobara date per jana tha wo es dafa phir mery pass a gaya aur as usual mujhe jana hi para uskay sath es dafa ham Millinium shopping mall gaye wahan uper Golf khelnay chalay gaye aur kuch dair golf kheltay rahay sath me Farha aur Aine bhi then. wahan us din bhi bahut hansi mazaq hua aur phir us din Farah se meri sahi tarha se baat ho sake..

Uskay baad ahista ahista ham me dosti barhti hi rahi…. Farha kay father ke death ho chuki thi aur wo apni ami k sath rehti thi, ghar me unka aik bhai tha jo job karta tha aur Farha studies complete kar rahi thi. Hamari dosti itni barh gaye Farha ne mujhe apnay ghar me apni ami se bhi introduce karwa diya.

Ab aksar mai uskay ghar as friend a jata tha hamari dosti barhti gaye…. aur ahista ahista dono qareeb atay gaye…. Najanay kitni sham’ain hamne Indulge per coffe peetay hue guzaren na janay kitni dafa ham aik dosray se miltay rahay… aur …. en sab k bech me…. na janay hame kab apas me pyar ho gaya…

Kya larki thi wo…. doodhiya safaid rang hansti thi to….. … jab usko hansta dekhta tha to kuch sochna hi bhol jata tha mai uske hansi ko na yeh kah sakta tha k wo hansti thi to khobsorat lagti thi na yeh kah sakta hon k wo hansti thi to phol jhartay thay….bas jab wo hansti thi to…… meri sochnay samhajnay ke salahiyat khatam ho jati thi……

Faraz woh tum aksar aik song ko quote kartay ho na “Aisay hansti thi aisay chalti thi… chand k jaisay chupti aur nikalti thi” bas aisa hi kuch tha…

Tumhe pata hai jab sahil ke geeli rait per wo mery sath chal rahi thi aur lehren uskay qadmon ko choom rahi then.. uskay hath me mera hath tha …………. Us lamhay ko mai kabhi bhool nahi sakta…..

Usme koi aisi baat hi nahi thi jo mujhe us se pyar karnay se rook sakti… ahista ahista us se understanding develop ho gaye… jab apko koi aisa mil jata hai jo khoobsoorat , hassen, well mannered , hansnay bolnay wala aur sab se barh kar apkay sath uske understanding bahut hi achi hoti hai…. To ap kaisay apnay apko us se door rakh saktay han…. Mery aur uskay dono k sath aisa hi hua… ham dono ahista ahista aik dosray k nazdeek atay hi chalay gaye atay hi chalay gaye….

Pyar ka ehsas mujhe us din hua….. jis din ham jab seaview per jo wall hai wahan kafi der baithany k baad wapas ghar a rahay thay… neend me usne jab apna sar meray kandhay par rakha tha……….

Qayamat ka lamha tha who……. Us din jab ham ghar pahunchay to wo kafi neend me thi mai uskay sath sath uskay ghar tak a gaya andar uskay room me

Who bed par a kar baith gaye aur mai zameen par uska hath pakra aur uske ankhon me dekhtay hue usko apnay tamam tar jazbaton ko jama kar kay dheery se uske ungliyan apnay hathon me lay kar “I Love You”… keh saka…

Aur bas phir seedha darwazay se bahar a gaya……

Uskay baad uskay ghar phone kiya to usne hi uthaya… maine bahut hi darri darri se awaz me pucha sunoo… tumne …. Us baat ka bura to nahi mana……. Who hanstay hue boli… Nahi……

Phir uskay baad maine us se milnay ka bola aur phir rastay se uskay lye aik acha sa mobile as Gift lay liya aur uskay ghar pahunch gaya… Mobile maine es lye liya tha k jo number mera tha same wo hi number sirf aik digit k farq se maine uskay lye liya tha ….

Ghar jatay hi ham us din uskay hi room me fauran a gaye warna drawing room me mai kuch dair baithta tha uskay room me mai kuch hi dafa gay ahta….

Us din room band kar kay maine usko bulb ke bilkul dheemay lehjay me bola… I love You… who sirf muskrat de…. Maine kaha mai tumhe bahut bahut bahut pyar karta hon….

Kehnay lagi soch lo…. Maine kaha haan soch liya….boli tum larkay bhi na…. bas kya kya kehtay rehtay ho… maine kaha nahi mai har aik ke tarha nahi hon…. Maine kaha tum mujhe pyar karti ho…. Boli nahi… phir boli haan… phir nahi….

Maine kaha soch lo jinab kya kehna hai…. Usne kaha mera sath nibhao gay to meri taraf se haan hoge …

Maine kaha pyar nibah k wadon per nahi kiya jata…. Agar koi pyar adhora chor kar chala jaye to uskay lye waday tor dena koi bari baat nahi hote hai jinab….

Khair ham dono me ab ghanton fone per baaten honay lagen ham aksar miltay bhi thay…. Mery din meray raat mery khayalon me bas wo hi wo thi….

Mai usko bar bar I Love You bolta rehta tha aur wo us se tang ho jati thi…. Wo bolti thi k tum yeh word record kar lo……. Mai kehta tha k record kaisay kar lon tumhe har dafa aik naye jazbay k sath bolta hon……..

Kabhi tum bhi bol do na zalim………aur who sirf hans deti thi……..

Aik din uska SMS aya :

“Tamana E Ishq ham bhi rakhtay han…
Kisi k dil me ham bhi dhadaktay han….
Na Janay unka Sath Kab Milay ga
Jinkay Sath ko roz tadaptay han”

Phir maine Farha ko phone kiya aur khoob baaten ken usko tang karta raha akhir jinab yeh sms kis kay lye hai q hai ………….

Aur phir hamari mohabat barhti rahi …………..

Aik din usne sms bheja

A.A kaisay ho… I Love You

Phir maine yeh sms parhtay hi fauran phone kiya… to usne kaha mai soch rahi thi k esko dekh kar kitna machal jao gay ……. Tum to na bas……

Pata hai uskay sath guzray lahmay …….. zindagi k haseen tareen lamhon me se aik thay…… Dolmen mall per lift stairs per jab ham sath upper floor per ja rahay thay to uska stairs per charhtay hue darna aur mera usko khench kar apnay pass bula lena aur usko zoor se daba lena……. Uska wo sharm se palken jhuka lena………

Aur aik din jab mai uskay liye gift me aik flower lay kar gaya usko bahut hi pyar se diya to uska wo mery pass a kar baith jana mera uskay chehray ko… apnay hathon me lay lena…. Meray hath lagatay hi usky wo doodhiya safaid rang ka ….. gulabi ho jana… mera uske ankhon me dekhna ….. uska wo palken jhuka lena…… aur phir… bahut sara pyar ………….

Dekho Farha na janay zindagi hame kis mor par lay aye…. Jahan ham juda ho gaye….

Aaj tum bahut yaad a rahi then…… Tumhary saray Puranay SMS jo bhi mery pass thay aaj mai sabko parhta raha………

Bahut der tumhe yaad kar kay rota rha…… log kehtay han k yeh pyar vyar sab fazool hai. Apnay apko buzy rakho insane busy life me mohabat ko bhol jata hai…….

Zindagi me kabhi aik lamhay ke furst me bhi tum yaad a jati ho…… tumhari chat, tumhari baaten, tumhary sms…………….

Sab save han mery pass……
Hamary raastay juda ho gaye par tum dil se juda nahi ho saken………… I Miss You and I Love You…………

Forever Yours………………………..